சுக்கு மல்லி காபி! (வேர்க்கொம்பு மல்லி கோப்பி)

 

தேவையான பொருட்கள்:

சுக்கு மல்லி காபி பொடி / தூள்:

• 150 கிராம் மல்லி (-/+)
• 50 கிராம் சுக்கு / வேர்க்கொம்பு (-/+)
• 25 கிராம் மிளகு (-/+)
• 25 கிராம் சின்னச்சீரகம் (-/+)

சுக்கு மல்லி காபி :

• 250 மி.லீ தண்ணீர் (-/+)
• 1/2 மே.க சுக்கு மல்லி காபி பொடி (-/+)
• பனங்கற்கண்டு / சீனி( சர்க்கரை) / கற்கண்டு (-/+)

செய்முறை:

1. ஒரு பாத்திரத்தில், எண்ணை சேர்க்காமல், மல்லியை மிதமான வெப்பத்தில் வறுக்கவும். மல்லியின் வாசம் வரும் பொழுது, மிளகைச் சேர்த்து வறுக்கவும். இறக்குவதற்க்கு ஒரு சில நிமிடங்கள் முன்பாக சின்னச்சீரகம் சேர்த்து வறுத்து, இறக்கி ஆற விடவும். முழு சுக்கு / வேர்க்கொம்பு சேர்ப்பதென்றால், தட்டி சின்னச்சீரகத்துடன் சேர்த்து வறுத்து இறக்கி ஆற விடவும்.
2. வறுத்து வைத்த பொருட்களை மிக்சி ஜாரில் போட்டு மைதாக அரைக்கவும். அதனுடன் சுக்கு / வேர்க்கொம்பு தூளைச் சேர்த்து அரைத்து எடுக்கவும். இதனை காற்று புகாத போத்தலில் போட்டு மூடி பாதுகாக்கலாம்.
3. ஒரு பாத்திரத்தில் 250 மி.லீ தண்ணீர் ஊற்றி அடுப்பில் வைத்து கொதிக்க விட வேண்டும். தண்ணீர் கொதிக்க ஆரம்பித்ததும், அதில் 1/2 மே.க சுக்கு மல்லி காபி பொடியை சேர்த்து 3-5 நிமிடம் நன்கு கொதிக்க விட வேண்டும். 
4. அதில் உங்கள் சுவைக்கேற்ப பனங்கற்கண்டு / சீனி( சர்க்கரை) / கற்கண்டு சேர்த்து, கரைந்ததும், அதனை இறக்கி வடிகட்டினால், சுக்கு மல்லி காபி தயார்!