சுக்கு மல்லி காபி பொடி / தூள்! (வேர்க்கொம்பு மல்லி கோப்பி)

தேவையான பொருட்கள்:

• 150 கிராம் மல்லி (-/+)
• 50 கிராம் சுக்கு / வேர்க்கொம்பு (-/+)
• 25 கிராம் மிளகு (-/+)
• 25 கிராம் சின்னச்சீரகம் (-/+)

செய்முறை:

1. ஒரு பாத்திரத்தில், எண்ணை சேர்க்காமல், மல்லியை மிதமான வெப்பத்தில் வறுக்கவும். மல்லியின் வாசம் வரும் பொழுது, மிளகைச் சேர்த்து வறுக்கவும். இறக்குவதற்க்கு ஒரு சில நிமிடங்கள் முன்பாக சின்னச்சீரகம் சேர்த்து வறுத்து, இறக்கி ஆற விடவும். முழு சுக்கு / வேர்க்கொம்பு சேர்ப்பதென்றால், தட்டி சின்னச்சீரகத்துடன் சேர்த்து வறுத்து ஆற விடவும் அல்லது ஒவ்வொரு பொருட்களாக வறுத்து ஆறவிடவும்.
2. வறுத்து வைத்த பொருட்களை மிக்சி ஜாரில் போட்டு மைதாக அரைக்கவும். அதனுடன் சுக்கு / வேர்க்கொம்பு தூளைச் சேர்த்து அரைத்து எடுக்கவும். இதனை காற்று புகாத போத்தலில் போட்டு மூடி பாதுகாக்கலாம்.