தட்டைவடை / முத்துவடை / பருத்தித்துறை வடை!

 

தேவையான பொருட்கள்:

• 1 கிலோ உளுந்து 
• 1 ½  கப் அவித்த மா
• 4 மே.க மிளகாய்த்தூள்
• 2 ½  மே.க பெருஞ்சீரகம்
• 250 கிராம் வெங்காயம்
• கறிவேப்பிலை
• உப்பு
• எண்ணெய் 

செய்முறை :

1. உளுந்தைக் கழுவி 3 மணித்தியாளங்கள் ஊற வைக்கவும். உளுந்து ஊறியதும், வார விடவும். 
2. வெங்காயம் மற்றும் கறிவேப்பிலையை சிறிய துண்டுகளாக வெட்டி வைக்கவும்.
3. ஒரு பாத்திரத்தில் ¾ பங்கு உளுந்தைப் போடவும். மீதி ¼ பங்கு உளுந்தை மிக்சியில் தண்ணீர் சேர்க்காமல் அரைத்தெடுக்கவும் அல்லது உரலில் துவைக்கவும்.
4. பாத்திரத்தில் உள்ள உளுந்துடன் அரைத்த / துவைத்த உளுந்து, பெருஞ்சீரகம், உப்பு, மிளகாய்த்தூள், வெட்டி வெங்காயம் மற்றும் கறிவேப்பிலையை சேர்த்து, நன்றாக குழைக்கவும்.
5. அத்துடன் அவித்த கோதுமை மாவை சிறிது சிறிதாகச் சேர்த்து, நன்றாகக் குழைக்கவும். குழைத்த மாவை சிறிய உருண்டைகளாக உருட்டி வைக்கவும்.
6. ஒரு பாத்திரத்தில் எண்ணை விட்டு, மிதமான வெப்பத்தில் சூடேற்றும்.
7. ஒரு ரின்பால் பேணியின் அடிப் பக்கத்தில் ஒரு பிளாஸ்டிக் பேப்பர் விரிக்கவும். அதன் மேல் வடை மா உருண்டையை வைக்கவும். கையை தண்ணீரில் நனைத்து, ஈரக் கையால் வடை மாவை அழுத்தி /தட்டி வட்டமாக்கி (மெல்லியதாக), சூடான எண்ணையில் போட்டு பொரித்தெடுக்கவும். அதே மாதிரி ஒவ்வொரு வடையாக தட்டிப் போட்டு, பொன்னிறமாக பிரித்தெடுக்கவும்.
8. பொரித்த வடையை வடியில் போட்டு எண்ணை வார விட்டு எடுக்கவும். இந்த அளவில் செய்ய  அண்ணளவாக 175 வடை கிடைக்கும்.

தட்டை வடை / முத்து வடை தயார்!

குறிப்பு:

• தட்டை வடை / முத்து வடையில் உளுந்து குறைவாக வேண்டும் என்றால், மேலதிகமாக ½ கப் அவித்த கோதுமை மா சேர்க்கவும்.
• உங்களின் சுவைக்க ஏற்ப மிளகாய்த்தூள், பெருஞ்சீரகம், வெங்காயம், கறிவேப்பிலை மற்றும் மாவின் அளவை கூட்டிக் குறைக்கவும்.