வாழைப்பழ கேக்!

 

வாழைப்பழ கேக் ( முட்டை சேர்க்காத கேக்)!

தேவையான பொருட்கள்:

• 100 கிராம் வாழைப்பழம்
• 1 கப் மா 
• ½ கப் சீனி 
• ¼ கப் தயிர்
• ¼ கப் எண்ணை
• ½ தே.க வனிலா 
• ½ தே.க பேக்கிங் பவுடர் 
• ¼ தே.க பேக்கிங் சோடா
• 1 சிட்டிகை உப்பு
• அக்ரூட் பருப்பு (விரும்பினால்)

செய்முறை:

1. ஒவனை 175˚C ல் சூடேற்றவும். நன்றாக கனிந்த வாழைப்பழத்தை நன்கு மசித்துக் கொள்ளவும் அல்லது மிக்சியில் அரைத்துக் கொள்ளவும்.
2. ஒரு பாத்திரத்தில் சீனி, தயிர் மற்றும் பேக்கிங் சோடாவை ஒன்றாகச் சேர்த்து, சீனி கரையும் வரை நன்றாக கலக்கவும். 2 நிமிடங்களில் பின்பு அதனுடன் வாழைப்பழ கூழ் மற்றும் எண்ணையைச் சேர்த்து, நன்றாக கலக்கவும்.
3. ஒரு வட்ட பேக்கிங் தட்டில் (8 இஞ்) எண்ணை பூசி, சிறிது மாவை தூவி, அதனுள் கேக் கலவையை விட்டு சமப்படுத்தவும். விரும்பினால் அக்ரூட் பருப்புகளை தூவி விடவும்.
4. சூடான ஒவனில் வாழைப்பழ கேக் / வாழைப்பழ கேக் கலவையை 175˚C 30- 40 நிமிடங்கள் வேக வைக்கவும்.
5. சுவையான வாழைப்பழ கேக் தயார்!

குறிப்பு:

• எண்ணைக்கு பதிலாக பட்டரை உருக்கி உபயோகிக்கலாம்.
• வனிலா எசன்ஸ் உபயோகிப்பது என்றால் தயிருடன் சேர்க்கவும் அல்லது வனிலாசுகர் உபயோகிப்பது என்றால் மாவுடன் சேர்க்கவும். 
• ஒவனுக்கு ஒவன் வெப்பநிலை மாறுபடுவதால், ஒவனின் தன்னமைக்கேற்ப வேக விடும் நேரம் மாறுபடும். 
• எப்பொழுதும் எந்த வகைக் கேக்கென்றாலும் ஆற விடும் போது, பேங்கிங் தட்டின் அடிப்பாகத்தை தரையில் வைக்காமல், திருகணை அல்லது அது மாதிரியான பொருட்களின் மேல் வைத்து ஆற விடவும். அப்பொழுது தான் கேக்கின் அடிப்பாகத்தில் காற்றுப் பட்டு இலகுவாக ஆறும் மற்றும் கேக்கின் அடிப்பாகம் களியாக வராது. 

• 1 கப் = 250 மி.லீ
• 1 கப் மா = 150 கிராம்
• 1 கப் சீனி = 225 கிராம்
• 1 தே.க= 5 மி.லீ
• 1 மே.க= 15 மி.லீ (3 தே.க)