அப்பிள் கேக் / ஆப்பிள் கேக்!

 

அப்பிள் கேக் / ஆப்பிள் கேக் ( முட்டை சேர்க்காத கேக்)!

தேவையான பொருட்கள்:

• 100 கிராம் அப்பிள் / ஆப்பிள்
• 1 கப் மா
• ½ கப் சீனி
• ½ கப் தயிர்
• ¼ கப் எண்ணை
• 1 தே.க வனிலா 
• ½ தே.க பேக்கிங் பவுடர்
• ¼ தே.க பேக்கிங் சோடா
• 1 சிட்டிகை உப்பு
• பெரிய சீனி (விரும்பினால்)

1. ஒவனை 175˚C ல் சூடேற்றவும்.
2. ஒரு பாத்திரத்தில் சீனி, தயிர் மற்றும் பேக்கிங் சோடாவை சேர்த்து சீனி கரையும் வரை நன்றாக கலக்கவும். 
3. 2 நிமிடங்களின் பின்பு எண்ணையை சேர்த்து கலக்கவும். அதன் பின்பு மா, வனிலா, பேக்கிங் பவுடர், மற்றும் உப்பை ஒன்றாகச் சேர்த்து, அரித்து, கட்டிகள் இல்லாமல் நன்றாக கலந்து விடவும். அப்பிள் / ஆப்பிளை தோல் சீவி, துண்டுகளாக வெட்டி, கேக் கலவையுடன் சேர்த்து கலந்து விடவும்.
4. ஒரு வட்ட பேக்கிங் தட்டில் (8 இஞ்) எண்ணை பூசி, சிறிது மாவை தூவி, அதனுள் கேக் கலவையை விட்டு சமப்படுத்தவும். அதன் மேல் விரும்பினால் பெரிய சீனியைத் தூவி விடவும்.
5. சூடான ஒவனில் அப்பிள் / ஆப்பிள் கேக் கலவையை 175˚C 30- 40 நிமிடங்கள் வேக வைக்கவும்.

சுவையான அப்பிள் / ஆப்பிள் கேக் தயார்!

குறிப்பு:

• அப்பிள் / ஆப்பிள் துண்டுகளாக வெட்டி கேக் கலவையின் மேல் அடுக்கி, சீனி தூவி விரும்பினால் கறுவாதூள் தூவியும் கேக் செய்யலாம். அல்லது அப்பிள் / ஆப்பிள் துண்டுகளை ஒரு கிண்ணத்தில் போட்டு, சீனி மற்றும் கறுவாதூள் சேர்த்துக் கலந்தும் கேக் கலவையின் மேல் அடுக்கியும் அப்பிள் / ஆப்பிள் கேக் செய்யலாம்.
• எண்ணைக்கு பதிலாக பட்டரை உருக்கி உபயோகிக்கலாம்.
• வனிலா எசன்ஸ் உபயோகிப்பது என்றால் தயிருடன் சேர்க்கவும் அல்லது வனிலாசுகர் உபயோகிப்பது என்றால் மாவுடன் சேர்க்கவும்.