கரட் கேக்!

தேவையான பொருட்கள்:

• 250 கிராம் மா
• 225 கிராம் சீனி 
• 150 கிராம் கரட்
• 1 கப் தயிர்
• ½ கப் எண்ணை
• 1 தே.க பேக்கிங் பவுடர்
• 1 தே.க பேக்கிங் சோடா
• 2 தே.க கறுவா தூள்
• 1 தே.க வனிலா

கிறீம்:

• 150 கிராம் ஐசிங்சுகர்
• 100 கிராம் கிறீம்சீஸ்
• 50 கிராம் பட்டர்
• தேசிப்புளி

செய்முறை:

கேக்:

1. ஒவனை 175˚C ல் சூடேற்றவும்.
2. ஒரு பாத்திரத்தில் சீனி, தயிர் மற்றும் எண்ணையைச் சேர்த்து, சீனி கரையும் வரை நன்றாக கலக்கவும்.
3. மா, பேக்கிங் பவுடர், பேக்கிங் சோடா, வனிலா மற்றும் கறுவா தூளை ஒன்றாகச் சேர்த்து, தயிர்க் கலவையினுள் அரித்து, கட்டிகள் இல்லாமல் கலந்து விடவும். துருவிய கரட்டை சேர்த்து நன்றாக கலந்து விடவும்
4. ஒரு பேக்கிங் தட்டில் ( 28X18 செ.மீ) பேக்கிங் பேப்பர் விரித்து, கேக் கலவையை விட்டு சமப்படுத்தவும்.
5. சூடான ஒவனில் கேக் கலவையை 175˚C 30- 40 நிமிடங்கள் வேக வைக்கவும். கரட் கேக் நன்றாக ஆற விடவும்.

கிறீம்சீஸ் கிறீம்:

1. ஐசிங்சுகர், கிறீம்சீஸ் மற்றும் பட்டர் ஆகியவற்றை ஒன்றாகச் சேர்க்கவும். சுவைக்கேற்ப்ப தேசிப்புளி சேர்த்து, கேக் அடிக்கும் கருவியால் நன்றாக அடிக்கவும். கிறீமை குளிர்சாதனப் பெட்டியில் வைக்கவும்.
2. கரட் கேக் ஆறியதும், கேக்கின் மேல் கிறீம்சீஸ் கிறீமை பூசவும். கிறீம் பூசிய பின்பு கேக்கை குளிர்சாதனப் பெட்டியில் வைக்கவும். விரும்பினால் அக்ரூட் பருப்புகளை தூவி பரிமாறவும்.

சுவையான கரட் கேக் தயார்!

குறிப்பு:

• பேக்கிங் பேப்பர் இல்லாட்டால் பேக்கிங் தட்டில் பட்டர் / எண்ணை பூசி, அதன் மேல் சிறிது மாவைத் தூவி கேக் கலவையை விடவும்.
• எண்ணைக்கு பதிலாக பட்டரை உருக்கி உபயோகிக்கலாம்.
• கிறீம்சீஸ் கிறீம் பூசும் முன்பு, விரும்பிய அளவில் கேக்கை வெட்டி, அதன் பின்பு கிறீமை பூசினால், கேக் துண்டுகளை எடுக்கும் போது, கேக் துண்டுகளின்  பக்கங்களில் கிறீம் வருவது குறைவாக இருக்கும். 
• ¼ தே.க சாதிக்காய் தூள், 1 சிட்டிகை உப்பு சேர்த்தும் கரட் கேக் செய்யலாம்.