வெண்டைக்காய் குழம்பு!

தேவையான பொருட்கள்:

• 250 கிராம் வெண்டைக்காய்
• 200 கிராம் வெங்காயம்
• 3 - 5 பல் உள்ளி
• 3 மே.க குழம்பு மிளகாய்த்தூள்
• ½ தே.க வெந்தயம்
• புளி
• உப்பு
• தண்ணீர்
• தேங்காய்ப்பால்
• வெல்லம் / இளநீர்

தாளிக்க:

• 1 தே.க கடுகு
• 1 தே.க பெருஞ்சீரகம்
• வெங்காயம்
• கறிவேப்பிலை
• செத்தல் மிளகாய் 
• எண்ணை

செய்முறை:

1. உள்ளி மற்றும் வெங்காயத்தை மெல்லிய துண்டகளாக கொள்ளவும். புளியை சிறிதளவு தண்ணீரில் கரைத்து வைத்துக் கொள்ளவும். வெண்டைக்காயை வட்ட வட்டமாக வெட்டி எண்ணெயில் பொரித்து, வடியில் வார வைக்கவும்.
2. அடுப்பில் ஒரு பாத்திரத்தை வைத்து சிறிது எண்ணை ஊற்றி சூடானதும் வெந்தயம், வெங்காயம் மற்றும் உள்ளி போட்டு வதக்கவும். வெங்காயம் பொன்னிறமாக வதங்கியதும் குழம்பு மிளகாய் பொடி போட்டுக் கலந்து, புளிக் கரைசல், உப்பு, தண்ணீர் மற்றும் தேங்காய்ப்பால் சேர்த்துக் கொதிக்க விடவும்.
3. நன்கு கொதித்து வந்த பின்பு, பொரித்து வைத்துள்ள வெண்டைக்காயை அதில் சேர்க்கவும். உப்பு சுவை பார்த்து, விரும்பினால் சிறிது வெல்லம் சேர்த்து, மிதமான வெப்பத்தில் எண்ணை வெளிவரும் வரை வத்த விடவும்.
4. ஒரு பாத்திரத்தை அடுப்பில் வைத்து, அதில் எண்ணை ஊற்றி சூடானதும், அதில் கடுகைப் போடவும், கடுகு வெடிக்கும் போது அதனுடன் வெங்காயம், கறிவேப்பிலை, சின்னச்சீரகம் மற்றும் காய்ந்த மிளகாய் சேர்த்து வதக்கவும். வெங்காயம் பொன்னிறமாக மாறும் பொழுது, தாளிதத்தை வெண்டைக்காய் குழம்பில் ஊற்றிக் கிண்டவும். வெண்டைக்காய் குழம்பை புட்டு அல்லது தயிர் சாதத்துடன் சேர்த்து பரிமாற சுவையாக இருக்கும்.

வெண்டைக்காய் குழம்பு தயார்!