தட்டை வடை!

தேவையான பொருட்கள்:

• 1 சுண்டு உளுந்து
• 2 சுண்டு கோதுமை மா
• 3 மே.க வெட்டுத்தூள் (-/+)
• 2 மே.க மிளகாய்த்தூள் (-/+)
• 2 மே.க பெருஞ்சீரகம்
• ¼ கப் வெட்டிய வெங்காயம்
• 2 நாட்டு கறிவேப்பிலை
• தண்ணீர்
• உப்பு
• எண்ணெய்

செய்முறை :

1. உளுந்தைக் கழுவி 3 மணித்தியாளங்கள் ஊற வைக்கவும். உளுந்து ஊறியதும், வார விடவும்.
2. வெங்காயம் மற்றும் கறிவேப்பிலையை சிறிய துண்டுகளாக வெட்டி வைக்கவும்.
3. ஒருபாத்திரத்தில் உளுந்தைப் போடவும். அதனுடன் கோதுமை மாவை, பெருஞ்சீரகம், உப்பு, வெட்டுத்தூள், மிளகாய்த்தூள், வெட்டி வெங்காயம் மற்றும் கறிவேப்பிலையை சேர்த்து, நன்றாக குழைக்கவும். அடுத்ததாக தண்ணீரைச் சிறிது சிறிதாகத் தெளித்து, நன்றாகக் குழைக்கவும். அதன் பின்பு 2 மே.க எண்ணை சேர்த்து குழைக்கவும். குழைத்த மாவை சிறிய உருண்டைகளாக உருட்டி வைக்கவும்.
4. ஒரு பாத்திரத்தில் எண்ணை விட்டு, மிதமான வெப்பத்தில் சூடேற்றும்.
5. ஒரு ரின்பால் பேணியின் அடிப் பக்கத்தில் ஒரு பிளாஸ்டிக் பேப்பர் விரிக்கவும். அதன் மேல் வடை மா உருண்டையை வைக்கவும். கையை தண்ணீரில் நனைத்து, ஈரக் கையால் வடை மாவை அழுத்தி /தட்டி வட்டமாக்கி (மெல்லியதாக), சூடான எண்ணையில் போட்டு பொரித்தெடுக்கவும். அதே மாதிரி ஒவ்வொரு வடையாக தட்டிப் போட்டு, பொன்னிறமாக பிரித்தெடுக்கவும்.
6. பொரித்த வடையை வடியில் போட்டு எண்ணை வார விட்டு எடுக்கவும். இந்த அளவில் செய்ய அண்ணளவாக 75 வடை கிடைக்கும்.

தட்டை வடை தயார்!

குறிப்பு:

• 1 சுண்டு = 1 ரின்பால் (397 கிராம்) பேணியில் மேவி அளப்பது.
• உங்களின் சுவைக்கேற்ப மிளகாய்த்தூள், பெருஞ்சீரகம், வெங்காயம், கறிவேப்பிலை மற்றும் மாவின் அளவை கூட்டிக் குறைக்கவும்.
• வடையை தண்ணீரில் கையை நனைத்து தட்டுவதற்கு பதிலாக எண்ணையில் தொட்டும் வடையாக தட்டலாம். 2 பிளாஸ்டிக் பேப்பருக்கு நடுவில் வைத்து, உருட்டுக் கட்டையால் உருட்டி, விரும்பிய அளவில் வெட்டியும் எடுக்கலாம் அல்லது சப்பாத்தி மேக்கரின் வைத்து அமத்தியும் செய்யலாம்.
• ஒவ்வொரு வடையாக தட்டி எண்ணையில் போட கஸ்டமாக இருந்தால், வடைகளை தட்டி வைத்தும் பொரிக்கலாம்.