சீமை சுரைக்காய் பால்க்கறி / வெள்ளைக்கறி!

தேவையான பொருட்கள்:

• 2 சீமை சுரைக்காய்
• 1 வெங்காயம்
• 3 பச்சைமிளகாய்
• ¾ தே.க மஞ்சள் தூள்
• ½ கப் தேங்காய்ப்பால்
• தண்ணீர்*
• இறால் / மாசிக்கருவாடு
• உப்பு
• தேசிப்புளி
• கறிவேப்பிலை

செய்முறை:

1. சீமை சுரைக்காய் தோலை நீக்கி, சிறிய துண்டுகளாக வெட்டி வைக்கவும். 
2. ஒரு பாத்திரத்தில் வெட்டிய சீமை சுரைக்காய், வெங்காயம், பச்சைமிளகாய் உப்பு, மஞ்சள் மற்றும் இறால் போட்டு, அவிய தேவையான தண்ணீர் விட்டு , மூடி அவிய விடவும். 
3. சீமை சுரைக்காய் நன்றாக அவிந்ததும், சீமை சுரைக்காயை கரண்டியால் மசித்து, தேங்காய்ப்பால்  சேர்த்துக் கலந்து, உப்பு சுவை பார்த்து அவிய விடவும். ஒரு கொதி வந்த பின்பு அடுப்பில் இருந்து இறக்கி ஆற விடவும்.
4. சீமை சுரைக்காய் பால்க்கறி / வெள்ளைக்கறி ஆறியதும், தேசிப்புளி சேர்த்துக் கலக்கவும். சோற்றுடன் பரிமாற சுவையாக இருக்கும்.

சீமை சுரைக்காய் பால்க்கறி / வெள்ளைக்கறி தயார்!

குறிப்பு:

• சீமை சுரைக்காய் பால்க்கறி / வெள்ளைக்கறி சைவமாக சமைக்கும் போது, தாளித்து சேர்க்க வேண்டும்.
• உங்கள் சுவைக்கேற்ப பொருட்களின் அளவை, கூட்டிக் குறைக்கவும்.