பீட்ரூட் வறை / பொரியல்!

 

தேவையான பொருட்கள்:

• 500 கிராம் பீட்ரூட் 
• 1 வெங்காயம்
• ½ தே.க கடுகு
• 1 தே.க சின்னச்சீரகம்
• 2 மே.க கடலைப்பருப்பு / உளுந்து
• 3 செத்தல் / காய்ந்த மிளகாய் 
• 2 பச்சை மிளகாய் (-)
• 1 தே.க மிளகு தூள்
• ½ தே.க சீரகத் தூள்
• ½ கப் தேங்காய்பூ
• கறிவேப்பிலை 
• உப்பு
• எண்ணெய்

செய்முறை:

1. பீட்ரூட்டை தோல் நீக்கி, சீவி வைக்கவும்.
2. ஒரு பாத்திரத்தில் எண்ணெய் ஊற்றி, சூடானதும் அதில் கடுகு போட வேண்டும். கடுகு வெடிக்க தொடங்கும் போது, அதனுடன் கடலைப் பருப்பு, செத்தல், சின்னச்சீரகம், வெங்காயம் மற்றும் கறிவேப்பிலை சேர்த்து நன்கு வதக்க வேண்டும்.
3. வெங்காயம் பொன்னிறமானதும், அதனுடன் சீவிய பீட்ரூட் மற்றும் உப்பு போட்டு வதக்க வேண்டும், (விரும்பினால் பச்சை மிளகாய் சேர்த்து வதக்கவும்). தேவைப்பட்டால் சிறிது தண்ணீர் தெளித்து கொள்ளவும். 
4. பீட்ரூட் வெந்ததும், அதனுடன் மிளகு தூள், சீரகத்தூள் மற்றும் தேங்காய்ப்பூ சேர்த்து, உப்பு சுவை பார்த்து, பச்சை வாசனை போகும் வரை வதக்க வேண்டும். சுடச்சுட பரிமாறவும்.

பீட்ரூட் வறை / பொரியல் தயார்!!!