ஒறியோ ஐஸ்கிறீம்!

தேவையான பொருட்கள்:

• 2 கப் விப்பிங் கிறீம் / ப்றஸ் கிறீம்
• 1 கப் கன்டென்ஸ் மில்க் / ரின் பால் 
• 10 ஒறியோ பிஸ்கட்

செய்முறை:

1. 5 ஒறியோ பிஸ்கட்டை தூளாக்கி வைக்கவும். 5 ஒறியோ பிஸ்கட்டை சிறிய துண்டுகளாக உடைத்து வைக்கவும்.
2. விப்பிங் கிறீம் / ப்றஸ் கிறீமை இறுக ஆரம்பிக்கும் வரை, கேக் அடிக்கும் கருவியால் ஒரே பக்கமாக நன்றாக அடித்துக் கொள்ளவும்.
3. அதன் பின்பு கன்டென்ஸ் மில்க் / ரின் பாலைச் சேர்த்து 1 நிமிடம் அடித்துக் கொள்ளவும்.
4. ஒரு மூடி உள்ள பெட்டியில் விப்பிங் கிறீம் / ப்றஸ் கிறீம் கலவையை விட்டு, அதன் பின்பு தூளாக்கிய ஒறியோ பிஸ்கட்டைச் சேர்த்து நன்றாகக் கலக்கவும். விரும்பினால் துண்டுகளாக உடைத்த ஒறியோ பிஸ்கட் துண்டுகளில், சிறிது பரிமாறும் போது அலங்கரிக்க எடுத்து வைத்து விட்டு, மீதியை ஐஸ்கிறீம் கலவையுடன் சேர்த்துக் கலக்கவும்.
5. அதனை மூடி ஃப்ரீஸரில் வைக்கவும். குறைந்து 6 மணி நேரம் அல்லது ஒரு இரவு முழுவதும் வைத்து எடுத்தால் நன்று. விரும்பினால் ஒறியோ ஐஸ்கிறீமை பரிமாறும் போது ஒறியோ பிஸ்கட் துண்டுகள் கொண்டு அலங்கரித்து பரிமாறவும்.
6. எளிதாகச் செய்யக் கூடிய சுவையான ஒறியோ ஐஸ்கிறீம் தயார்!

குறிப்பு:

• கன்டென்ஸ் மில்க் / மில்மெய்ட் / ரின் பால்
• விப்பிங் கிறீம் / ப்றஸ் கிறீம்